31. ((ii.)) Quod Dominus ab aeterno, seu Jehovah, susceperit Humanum ad salvandum homines, confirmatum est ex Verbo in antecedentibus articulis: quod homo non aliter salvari potuerit, alibi dicetur. Quod susceperit Humanum, constat etiam ex locis in Verbo, ubi dicitur quod "exiverit ex Deo," "descenderit e caelo," et quod "missus sit in mundum." Ut ex his:-
"Exivi a Patre, et veni in mundum" (Joh. xvi. 28);
"Ego... a Deo exivi et venio, neque... a Me Ipso veni, sed Ille Me misit" (Joh. viii. 42);
"Pater... vos amat, quia... credidistis quod Ego a Deo exiverim" (Joh. xvi. 26, 27);
"Nemo ascendit {1}in caelum nisi qui e caelo descendit" (Joh. iii. 13) "Panis... Dei est, qui descendit e caelo, et vitam dat mundo" (Joh. vi. 33, 35, 41, 50, 51);
"Qui desuper venit, supra omnes est;... qui e caelo venit, supra omnes est" (Joh. iii. 31);
"Ego novi" Patrem, "quia ab Illo sum, et Ille misit Me" (Joh. vii. {2}29):
quod per "mitti a Patre in mundum" intelligatur suscipere Humanum, videatur supra (n. 20). @1 in caelum pro "e caelo"$ @2 29 pro "27"$
This page is part of 
© 2000-2001 The Academy of the New Church