7090. `Et dixerunt ad Pharaonem': quod significet [inde] exhortationem ad illos qui contra vera Ecclesiae, constat ex significatione `dicere,' quia a Mosche et Aharone ex mandato Divino, quod sit exhortatio, ut quoque n. 7033; et ex repraesentatione `Pharaonis' quod sit scientificum quod contra vera Ecclesiae, de qua n. 6651, (x)6673, 6683, ita illi qui tales sunt. Hic et in sequentibus agitur de illis qui ab Ecclesia spirituali salvati sunt per Adventum Domini in mundum, quique ante Adventum Ipsius detenti fuerunt in terra inferiore et ibi vexati a falsis, hoc est, ab infernalibus qui in falsis ex malo sunt; terra illa est sub plantis circumcincta infernis, a parte anteriore illis qui falsificarunt vera et adulterarunt bona; ad dextrum illis qui pervertunt ordinem Divinum, et inde sibi potentiam acquirere student; a tergo {1}malis geniis qui ex amore sui occulte machinati sunt malum contra proximum; profunde infra illos sunt qui Divinum prorsus spreverunt et naturam coluerunt, et inde omne spirituale a se removerunt; talibus circumcincti sunt illi qui in terra inferiore sunt, ubi ante Adventum Domini reservati sunt illi qui ab Ecclesia spirituali ac ibi infestati; sed usque a {2}Domino tutati, et evecti in caelum cum Domino quando Ipse resurrexit; de his videantur quae prius n. 6854, (x)6865, 6914, 6945, 7035, dicta et ostensa sunt. 2 (s)Terra inferior, ubi reservati sunt illi qui ab Ecclesia spirituali {3} ad Adventum Domini, in Verbo aliquoties nominatur, ut apud Esaiam, Cantate caeli, quia fecit Jehovah, jubilate inferiora terrae, personate montes cantu, silva et omnis arbor in illa, quia redemit Jehovah Jacobum, et in Israele gloriosum se reddidit, xliv 23;
ibi de illis qui in inferiore terra, quod salvati a Domino; `Jacob' et `Israel' {4}sunt Ecclesia spiritualis, `Jacob' {5}Ecclesia externa, `Israel' {6} interna, n. 3305, 4286, 6426: apud Ezechielem, Fecero descendere te cum descendentibus foveam, ad populum aeternitatis, et habitare fecero te in terra inferiorum in desolationibus, xxvi 20:
apud eundem, Ad terram {7}inferiorem in medio filiorum hominis, ad descendentes foveam: unde consolabuntur se in terra inferiore omnes arbores Edenis, selectio et praecipuum Libani, omnes bibentes aquas, xxxi 14, 16;
ibi terra inferior, ubi illi qui {8} ab Ecclesia spirituali {9}fuerunt. 3 Hodie etiam, qui ab Ecclesia sunt, et impleverunt ideas suas mundanis et quoque terrestribus, et fecerunt ut vera fidei talibus {10} adjuncta essent, illi {11} ad terram inferiorem demittuntur et ibi quoque in pugnis sunt, et hoc usque dum mundana et terrestria illi a veris fidei separata sunt, ac talia inserta ut non amplius conjungantur; cum hoc peractum est, tunc inde elevantur in caelum nam antequam talia amota sunt, nullatenus possunt cum angelis esse sunt enim illa tenebrae et inquinamenta quae cum luce et puritate caeli non concordant; mundana et terrestria illa non nisi quam per pugnas contra falsa separari et amoveri possunt; pugnae illae fiunt hoc modo: infestantur illi qui ibi, a fallaciis et inde falsis quae ab infernalibus circumcirca emittuntur, sed a Domino per caelum refelluntur, et simul tunc insinuantur vera; et {12}haec apparent sicut 4 apud illos qui in pugnis sunt; inde est quod Ecclesia spiritualis dicenda sit {13} pugnans; sed {14}hodie raro est pugnans apud aliquem in mundo, nam {15}homo Ecclesiae cum vivit in mundo, non sustinet pugnam, propter malorum turbam in cujus medio est, et propter carnem in qua est, quae infirma; homo in altera vita {16} contineri potest firmiter in vinculis conscientiae, non autem ita in mundo, nam si in mundo perducitur in aliquid desperationis, ut solent illi qui in pugnis {17} sunt, ilico vincula illa rumpit; sique illa rumpit, tunc succumbit, et si ita succumbit, actum est de salute ejus; inde est quod pauci intra Ecclesiam hodie a Domino admittuntur in pugnas pro veris contra falsa; pugnae illae sunt tentationes spirituales. Videantur etiam quae de terra inferiore, et vastationibus ibi, prius n. 4728, 4940-4951, 6854, ostensa sunt.(s) @1 mali genii$ @2 Divino$ @3 i fuerunt$ @4 pro Ecclesia spirituali$ @5 pro$ @6 i pro$ @7 inferiorum I$ @8 i in vastationibus$ @9 sunt$ @10 i ideis$ @11 i etiam hodie$ @12 hoc apparet$ @13 i Ecclesia$ @14 pugnans est hodie raro apud hominem in quo illa Ecclesia est quamdiu is est$ @15 ibi$ @16 i etiam$ @17 i illis$
This page is part of 
© 2000-2001 The Academy of the New Church