10654. Vers. 18-23. Festum azymorum custodies; septem diebus comedes azyma quae praecepi tibi, ad statum tempus mensis Abib, quia in mense Abib exivisti ex Aegypto. Omnis apertura uteri Mihi, et ex omni pecore tuo des masculum, aperturam bovis et pecudis. Et aperturam asini redimes in pecude, et si non redemeris, decollabis illam; omnem primogenitum filiorum tuorum redimes; et non videbuntur facies Meae {1}vacue. Sex diebus operaberis, et in die septimo quiesces, in aratione et in messatione quiesces. Et festum septimanarum facies tibi primitiarum messis tritici, et festum collectionis revolutionis anni. Tribus vicibus in anno videbitur omnis masculus tuus ad facies Domini Jehovae Dei Israelis. `Festum azymorum custodies' significat cultum Domini et gratiarum actionem ob liberationem a malo et a falsis mali: `septem diebus comedes azyma' significat statum sanctum tunc ac appropriationem Divini Veri purificati a malo et a falsis mali: `quae praecepi tibi' significat secundum ordinem Divinum: `ad statum tempus mensis Abib' significat statum novum: `quia in mense Abib exivisti ab Aegypto' significat quia tunc liberatio ab inferno: `omnis apertura uteri Mihi' significat quod omne bonum innocentiae, charitatis, et fidei addicandum sit Domino: `ex omni pecore tu des masculum' significat quod datur per verum: {2}aperturam bovis et pecudis' significat in externo et interno homine: `et aperturam asini redimes in pecude' significat quod fides mere naturalis non addicabitur Domino: `et si non redemeris, decollabis (illam)' significat si non inibi verum innocentiae, quod separanda et ejicienda: `omnem primogenitum filiorum tuorum redimes' significat quod vera fidei quae absque bono, non addicanda Domino: `et non videbuntur facies Meae vacue' significat receptionem ex misericordia et gratiarum actionem: `sex diebus operaberis' significat statum primum regenerationis, cum homo est in veris et tunc in pugnis: `et in die septimo quiesces' significat statum alterum regenerationis, cum homo est in bono et tunc in pace: `in aratione et messatione quiesces' significat quoad implantationem veri in bono ac ejus receptionem: `et festum septimanarum facies tibi primitiarum messis tritici' significat cultum Domini et gratiarum actionem propter implantationem veri in bono: `et festum collectionis revolutionis anni' significat (cultum ex grato animo ob implantationem boni inde, ita ob) regenerationem et plenariam liberationem a damnatione: `tribus vicibus in anno videbitur omnis masculus tuus ad facies Domini Jehovae Dei Israelis' significat continuam apparentiam et praesentiam Domini etiam in veris fidei. @1 vacuae T$ @2 See p. ix preliminary note 2.$ @21. Sex diebus operaberis, et in die septimo quiesces, significat agnitionem regenerationis a Domino:$ @20. Et aperturam asini redimes in pecude, significat verum spirituale pro scientifico sensuali: et si non redemeris, decollabis, significat quod alioquin separandum prorsus: omnem primogenitum filiorum tuorum (sentence not completed)$