9138. Vers. 4, 5. Quando desolaverit vir agrum vel vineam, et immiserit jumentum suum, et desolaverit in agro alterius, ex optimo agri sui et ex optimo vineae suae rependet. Quando exiverit ignis, et apprehenderit spinas, et consumatur acervus, aut seges stans, aut ager, rependendo rependet incendens incensum. `Quando desolaverit vir agrum vel vineam' significat (x)deprivationem boni et veri Ecclesiae per cupiditates: `et immiserit jumentum suum' significat si ex parum conscio id faciat: `et desolaverit in agro alterius' significat consumptionem bonorum cohaerentium: `ex optimo agri sui et ex optimo vineae suae rependet' significat restitutionem ex bonis et veris adhuc integris: {1}`quando exiverit ignis' significat ex affectione mali iram: `et apprehenderit spinas' significat quae infert se in (x) falsa: `et consumatur acervus' significat damnum veris et bonis {2} fidei receptis: `aut seges stans aut ager' significat etiam veris et bonis fidei in conceptione {3}: `rependendo rependet (x)incendens incensum' significat restitutionem ablatorum per iram ex affectione mali.