5530. Mali in mundo spirituum communicant omnes cum infernis, sed varie secundum genus mali et falsi confirmatorum per vitam; et boni communicant cum coelis similiter secundum sua bona et vera, et apud hos mala successive separantur, at apud illos bona; mali cum in infernum veniunt illico induunt falsa sui mali, et confirmantur in illis; boni in coelis induunt sua vera boni et confirmantur in illis in aeternum.