621. "Et erat in ore meo sicut mel dulcis." - Quod significet quod Verbum adhuc quoad externum seu quoad sensum litterae ejus perciperetur sicut jucundum boni, sed modo jucundum ex eo, quod serviret ad confirmandum principia falsi et amores mali, seu principia oriunda ex amore sui et mundi, quae omnia sunt falsa; quod inde Verbum, quod intelligitur per "libellum," perceptum esset "dulce sicut mel," in superioribus ostensum videatur.