8966. Tentationes conducunt ad confirmanda vera fidei, tum ad implantanda illa, et ad insinuanda in voluntatem, ut fiant bona charitatis; homo enim, ut prius dictum est, pugnat ex veris fidei contra mala et falsa, et quia tunc mens ejus est in veris, cum vincit, confirmat se in illis ac implantat ea; et quoque mala et falsa quae impugnarunt, pro hoste habet et a se rejicit. Per tentationes etiam concupiscentiae, quae sunt amorum sui et mundi, domantur, et homo humiliatur; ita aptus (x)redditur ad {1}recipiendum vitam caeli a Domino, quae vita est vita nova qualis est regenerato. @1 recipiendam$