8967. Quia per tentationes confirmantur vera fidei et implantantur bona charitatis, et quoque domantur concupiscentiae mali, sequitur quod per tentationes dominium acquiratur spirituali seu interno homini {1}super naturalem seu externum, ita bono quod charitatis et fidei {1}super malum quod amoris sui et mundi. Quo facto, homini fit {2}illustratio, et perceptio quid verum et quid bonum, tum quid malum et falsum; et inde intelligentia et sapientia quae postea indies crescunt. @1 supra$ @2 illustratio et perceptio IT$